خط ساخن

-
- الو
- شكرا على انتظارك يافندم وآسفين على التأخير في تلقي اتصال حضرتك. انا اسمي جابر وفي خدمتك. أتشرف باسم حضرتك؟
- عبد السميع اسماعيل عبد السميع
- أهلا بيك يا مستر عبد السميع. أقدر اساعدك ازاي يا فندم؟
- لو سمحت.. هو احنا ممكن نصلح الغلط بغلط تاني؟
- لا والله يا فندم ما ينفعش
- بس الغلط التاني ده شكله حلو قوي. وحاسس انه حل مناسب. وشكله انه المفروض يبقى صح. يعني يخليك تشك في انه غلط اصلا!
- ماهو ده يافندم تعريف الغلط. بيبقى مغري حبتين. بس حضرتك عارف في أعماقك انه غلط. وما ينفعش اطلاقا نستخدمه كعلاج للغلط الأولاني.
- هو ايه ده اللي ما ينفعش!؟  طب افرض انا عملت كده وخلاص. هيحصل ايه يعني؟
- من حقك طبعا يافندم. وممكن يسفر عن تسلسل احداث رائع يعمل كتاب او فيلم أو مسلسل في رمضان. بس على مستوى حياتك الشخصية هتبقى مأساة يا فندم حضرتك. لو حضرتك فاكر ان اللي انت فيه دلوقتي معاناة حضرتك هتتفاجئ ان اللي انت فيه حاليا ده دلع! المعاناة الحقيقية هتيجي من تركيب غلطة على غلطة تانية. عشان كده يا فندم دايما هنا في الخط الساخن للحمقى بنقول ما ينفعش تصلح الغلط بغلط. اقدر اساعدك في اي حاجة تاني؟
- استنى استنى! انا حاسس انك بتقرا من ورقة قدامك! ارجوك افهمني!
- انا اسف. شكرا لاتصالكم بالخط الساخن للحمقى. نرجو ان تعاود الاتصال. ومن كلامي مع حضرتك النهارده يا فندم انا شوور انك هتحتاجلنا تاني وتالت ورابع يا فندم. 
- يا سلام! انت قصدك ايه بالضبط؟!!
- ولا حاجة يا فندم العفو. بس حضرتك عارف المثل العربي اللي بيقول لكل داء دواء يستطب به إلا الحماقة أعيت من يداويها. المثل ده شعارنا هنا في الخط الساخن! وعشان كده احنا فتحنا الخط ده لخدمتكو يا فندم. ودلوقتي عن اذن حضرتك يا مستر عبد السميع. قدامي تلتميت مكالمة في ال waiting عندي انا بس، غير المكالمات اللي مع زمايلي الباقيين. شكرا على اتصالكم بالخط الساخن للحمقى ونرجو ان تعاود الاتصال.
- الو! الو! الوووو!!!

Comments

  1. Unknown12/08/2013 8:52 pm

    هههههههههههههه...أضحكتيني والقلب حزين.....إبداع بلا حدود وذوق عالٍ وروح مرحة في الكتابة، لكن إن كان المقصود منه إسقاط على واقع ما كما أظن ففيه قول آخر

    ReplyDelete
  2. نوران سلام Nouran Sallam12/08/2013 8:58 pm

    الهي يفرح قلبك دايما يا احمد

    ReplyDelete
  3. Unknown12/08/2013 9:45 pm

    ههههههه ايه خط الحمقى ده؟ متهيألى"لﻷسف" إنى هاحتاجه ، الواحد ساعات. بيفتكر ان. ده حمق و لكن فى. الحقيقة بيبقى نفسه يتكلم مع أي حد. و فى أي حاجة
    قصيصة صغيرة و لذيذة

    ReplyDelete
  4. نوران سلام Nouran Sallam12/08/2013 9:47 pm

    ده مشروع مضمون مية في المية وهيكسب دهب! انا لازم ابيع الفكرة لاول رجل اعمال اشوفه!

    ReplyDelete
    Replies
    1. Unknown12/08/2013 10:02 pm

      مقال رائع جداً و واقعى ' خط ساخن للحمقى ' فكرة جديدةً تماماً المكالمة التليفونية طبيعية جدا بأسلوب سهل ممتنع تتميزين به فى جميع قصصك

      Delete
  5. Unknown12/16/2013 7:36 pm

    أسلوب جميل والفكر مرحة إلى حد الإغراء. أحسنت.

    ReplyDelete
  6. Unknown12/16/2013 7:37 pm

    أسلوب جميل لأنه بالعامية والفكرة مرحة إلى حد الإغراء.أهنئك.

    ReplyDelete
  7. Unknown12/16/2013 7:38 pm

    أسلوب جميل لأنه بالعامية والفكرة مرحة إلى حد الإغراء.أهنئك.

    ReplyDelete

Post a Comment

أسعد بتعليقاتكم

Popular posts from this blog

أنشودة الكسل - بقلم نوران سلام

-
قضي الامر واتخذ القرار لن يفعل شيئا البتة اليوم لن يبدل ثيابه، فهو باق في البيت لن يتحمم. لن يحلق ذقنه ولن يفرّش اسنانه لن يرد على الهاتف ولو كان مديره يستفسر عن غيابه  لن يفتح الباب لطارق  وإن كان أباه لن يراجع بريده الالكتروني  ولا العادي لن "يتواصل اجتماعيا" عبر فيسبوك ولا تويتر على سبيل الاحتياط لن يفتح الكومبيوتر سيقضّي اربعا وعشرين ساعة دون ان ينبس بكلمة حقيقية كانت أو افتراضية  سيكون سيد هذا العالم اليوم ستتأتي السيادة بألا يرغب في شيء  ستدين الدنيا إن لم يحتج لأحد سيأمر رئتيه ألا تشتاق للنيكوتين لئلّا يشعل سيجارة لن يطلب المطعم، كي لا يشكر رجل الدليفري سيأكل الموجود،  ولن يغسل الصحن وان وجد المطبخ خاويا،  سيصوم لن يرهق خلايا مخه سيرقد على السرير ويحملق في الحائط سينصت لقطرات الماء تتساقط من صنبور فشل في إصلاحه سيتحمل الحر  في سبيل ان تتابع عيناه أذرع المروحة  تدور وتدور على درجتها الأبطأ قد يقرأ كتابا  بشرطين:  أن يكون مملا.. وقريب...
Read more

The Randomness of It All

-
The "Meaning" seems to lie in the journey The "Point" is, apparently, the road The "Purpose", we are led to believe, is the voyage The "Big Idea" is the trek The "Whereof" is the course Etc., etc. The bottom line is, The trudge. The ride is the "joy" "Some joy!" I hear you protest. Well, The pain , wait for it, is the joy (Orwell knew a thing or two) Switch off.  Zone out.  Take it in your stride.  Aprreciate.  Acknowledge.  Enjoy Embrace the randomness of it all.  Trudge on.  Forget a grand finale Forget the finish line The curtains will fall when they fall. Nouran Sallam
Read more

عن قناة الجزيرة وفوبيا الاطلنطي!

-
Image
عهدان أساسيان قطعتهما على نفسي في سنتين متتاليتين. في 1997 وبعد أن فرغت من مشاهدة فيلم تايتانيك للمرة العاشرة خلال 48 ساعة قررت أنه ما من شيء في الحياة يستحق أن أقطع يوما الأطلنطي. وقبلها بعام, أي في 1996,  وبعد أن تابعت القناة الاخبارية  الوليدة "الجزيرة" أسبوعا لم أتوقف فيه عن الانبهار بقدرة المذيعين في الحفاظ على رباطة الجأش تحت ما هو بكل تأكيد ضغوط عصبية هائلة، أقسمت ألا أقبل أي وظيفة تنطوي على أن اضطر للظهور في التلفزيون! كما قد يعلم قارئ هذه السطور فقد حنثت بكلا الأمرين! إلى جانب أن هذا يعني أنني سيدة (ما بتنزلش كلمتها الارض أبدا – بس نزلت المرتين دول) - أرجو أن تكون في الأمر دلالات أخرى! لو بدأنا من الحدث الثاني زمنيا والمتعلق بفيلم تايتانيك، فلم يكن لافتتاني بالفيلم علاقة بأنه حصل على 11 جائزة أوسكار ورشح لــ 14، ولا بأنه حقق أعلى ربح في تاريخ السينما (2 مليار – أي نعم مليار – دولار) وظل متربعا على هذا العرش اثنتي عشرة سنة إلى أن فاقه أفاتار في الربح في 2009 على  الارجح انني لم أعرف أيا من هذه المعلومات حينها. ما سلب لبي وحبس أنفاسي وجعلني أنام وأصحو...
Read more