شوكولاتة باللبن
انا اسفة يا مدام لكن الميزان ما بيكدبش. وزنك دلوقتي خمسة وتسعين كيلو. يعني زدتي خمسة كيلو عن الاسبوع اللي فات.
-ازاي الكلام ده؟ ده انا مشيت على الريجيم بالحرف الواحد. انا مش فاهمة ازاي يحصل كده يا دكتورة!
-طب اهدي بس شوية. بطلي عياط حضرتك عشان افهم منك. خلينا ناخد حاجة حاجة. يعني مثلا مارستي رياضة كام مرة خلال الاسبوع ده؟
-ازاي الكلام ده؟ ده انا مشيت على الريجيم بالحرف الواحد. انا مش فاهمة ازاي يحصل كده يا دكتورة!
-طب اهدي بس شوية. بطلي عياط حضرتك عشان افهم منك. خلينا ناخد حاجة حاجة. يعني مثلا مارستي رياضة كام مرة خلال الاسبوع ده؟
- كتير. اكتر من مرة في اليوم الواحد مش في الاسبوع!
-ما شاء الله! ازاي يعني؟
-ما شاء الله! ازاي يعني؟
-طول النهار واقفة على رجلي وحيلي مهدود. ومن بعد المغرب بقه يبدأ المشي على اصوله. مشي أكتر من مرة في الساعة الواحدة مش في اليوم!
-معقول؟ وبتمشي فين بقه؟ في الشارع ولا النادي؟
-في البيت! طول الليل من الكنبة للتلاجة ومن التلاجة للكنبة!
-أفندم؟ يا مدام أنا شرحت لك انك لازم تشتركي في جيم.
-يوووه! انا انضميت في حياتي يا دكتورة ييجي لستة جيم. كل مرة وزني يزيد عما كان فاسيب الجيم لغيره. وكل مرة اقول يا بت ما تستخسريش في نفسك. روحي جيم اغلى واشيك. اتاري العيب مش في الجيم يا دكتورة
-طب كويس انك وصلتي للنتيجة دي. عرفتي بقه ان العيب مش في الجيم؟
-عرفت وآمنت وصدقت. العيب في فكرة الجيم نفسها. نصب ودجل وضحك على الدقون.
-ممكن تشرحيلي حضرت كنت بتعملي ايه بالضبط لما كنتي بتروحي الجيم؟
-ابدا. كنت باروح مع واحدة صاحبتي. مش انتوا يا دكاترة بتقولوا ناخد صديق عشان نشجع بعض؟
-الصراحة آه احنا بنقول كده
-اهو انا كنت دايما آخد صديقة. نتمشى على جهازين جنب بعض وندردش.
-تتمشوا؟ وتدردشوا كمان؟
-لا مش تمشية طبعا قصدي نجري.
-هاه. وبعدين.
-مافيش. قبل ما نروح نعدي على كافيه الجيم ناخد حاجة خفيفة. كابتشينو مثلا بالشوكولاتة البيضا. اهي أخف من السودا
-يا مثبت العقل والدين يارب.
-افندم؟
-يا مدام... يا مدام ما علينا. سيبك من الرياضة وكلميني شوية عن الدايت. انا اديتلك قائمة بالاكل المخصوص بتاع الريجيم. عايزة تفهميني انك التزمتي بيها ووزنك زاد؟ طب ازاي؟
-معقول؟ وبتمشي فين بقه؟ في الشارع ولا النادي؟
-في البيت! طول الليل من الكنبة للتلاجة ومن التلاجة للكنبة!
-أفندم؟ يا مدام أنا شرحت لك انك لازم تشتركي في جيم.
-يوووه! انا انضميت في حياتي يا دكتورة ييجي لستة جيم. كل مرة وزني يزيد عما كان فاسيب الجيم لغيره. وكل مرة اقول يا بت ما تستخسريش في نفسك. روحي جيم اغلى واشيك. اتاري العيب مش في الجيم يا دكتورة
-طب كويس انك وصلتي للنتيجة دي. عرفتي بقه ان العيب مش في الجيم؟
-عرفت وآمنت وصدقت. العيب في فكرة الجيم نفسها. نصب ودجل وضحك على الدقون.
-ممكن تشرحيلي حضرت كنت بتعملي ايه بالضبط لما كنتي بتروحي الجيم؟
-ابدا. كنت باروح مع واحدة صاحبتي. مش انتوا يا دكاترة بتقولوا ناخد صديق عشان نشجع بعض؟
-الصراحة آه احنا بنقول كده
-اهو انا كنت دايما آخد صديقة. نتمشى على جهازين جنب بعض وندردش.
-تتمشوا؟ وتدردشوا كمان؟
-لا مش تمشية طبعا قصدي نجري.
-هاه. وبعدين.
-مافيش. قبل ما نروح نعدي على كافيه الجيم ناخد حاجة خفيفة. كابتشينو مثلا بالشوكولاتة البيضا. اهي أخف من السودا
-يا مثبت العقل والدين يارب.
-افندم؟
-يا مدام... يا مدام ما علينا. سيبك من الرياضة وكلميني شوية عن الدايت. انا اديتلك قائمة بالاكل المخصوص بتاع الريجيم. عايزة تفهميني انك التزمتي بيها ووزنك زاد؟ طب ازاي؟
-كل اكل الريجيم اللي قلتيلي عليه جبته. واتفضلي زوريني بنفسك وفتشي التلاجة. زبادي معدوم الدسم وبيبسي الدايت وجزر وخس واكل الارانب كله... هتلاقيه موجود. وشوفي دولاب المطبخ: هتلاقي سكر الرجيم في الرف الاولاني وفوق منه العيش الناشف الاسمر مع ان طعمه زي طعم الورق الكارتون. بس اعمل ايه مانا عايزة اخس. هريت نفسي وياريته كان بفايدة! مالك يا دكتورة مبرقه كده ليه؟
-ما نا مش قادرة اصدق الكلام ده! يعني..يعني امبارح مثلا. اتغديتي ايه بالضبط؟
-امبارح؟ ثانية واحدة على ما افتكر.
-يا منجي من المهالك يا رب
- آه افتكرت. امبارح مكانش ليا اي نفس للغدا. اتغديت خفيف جدا. يعني كام محشياية كده على الواقف وانا باسخن الاكل. وبعدين..
-كام محشياية؟!
-ورق عنب يا دكتورة ورق عنب. انتي فهمتي ايه؟ تكونيش افتكرتي محشي فلفل ولا حاجة؟
-اه تخيلي بقه. افتكرت قصدك كام محشياية فلفل. قولي ورق عنب من الاول يا شيخة.
-لا طبعا يا دكتورة انا عامله ريجيم وقارية وفاهمه. الفلفل بيشيل رز اكتر بكتير من ورق العنب عشان كده لا يمكن اعمله ابدا. حارمه جوزي وولادي منه. المهم سبع تمن تسع محشيات كده على ما سخنت الاكل. واظن ده طبعا مش محسوب.
-مش محسوب ازاي حضرتك؟
-باقوللك على الواقف. وانا باسخن الأكل. يعني لسه ما ابتدش اكل.
-اه. تصدقي كنت هاظلمك تاني؟ كنت فاكراه على القاعد.
-لا طبعا انا قارية وفاهمة. المهم.
-اتفضلي حضرتك. خشي على المهم.
-اكلت معلقتين صينية البطاطس اللي بايتين من امبارح وعليهم شوية رز. اكل بايت اهو يا دكتورة. عشان تعرفي ان الاكل اخر همي.
-يا حرام. والاكل البايت بيتحسب بقه ولا حكمه زي حكم الاكل على الواقف؟
-انتي بتسأليني يا دكتورة؟ امال انا جايالك ليه؟ المهم. اكملك.
--انتي لسه هتكملي. اتغديتي حضرتك محشي وصينية بطاطس ورز. في ايه تاني؟
-ابدا. الحلو بس. حتة بسبوسة يتيمة عليها معلقتين تلاتة قشطة. وبلعت بكباية كركديه. رافعة حواجبك ليه كده بقه يا دكتورة؟ الكركدية موصوف للضغط. بيقولوكو كده في كلية الطب برده ولا لأ؟
-بيقولولنا طبعا. معقولة يخبوا علينا.
-ومن ساعتها لغاية ما نمت مافيش. اديتها زبادي معدوم على ورق كرتون على أكل أرانب على فاكهة. عندك اعتراض على الفاكهة بقه؟
-فشر! قطع لسان اللي يقول نص كلمة على الفاكهة!
-انا طبعا ما جبتش سيرة بقية سندوتشات المدرسة اللي لقيتها في شنط العيال. لانها..
-مفهوم مفهوم مش محسوبة طبعا.
-اكيد. وبعدين دي كانت هتترمي. معقول كنت ارمي نعمة ربنا في الزبالة؟ ده حتى يبقه حرام!
-حاش لله!! استغفري ربنا كده واخزي الشيطان
-المهم.
-لسه في مهم؟
-ايوة. اصل انا عايزة اعترفلك يا دكتورة اني قبل ما انام غلطت غلطة بوظت الريجيم اللي حافظت عليه طول اليوم.
-يا خسارة! ما تزعلينيش!
-للأسف ده اللي حصل. كنت عايزة اهدي اعصابي من دوشة العيال عشان اعرف انام. فعملت لنفسي مج شوكولاتة باللبن مع اني عارفه انه غلط. انا ندمت اوي بعديها يا دكتورة ومش عارفة كان لزمته ايه.
-صحيح. خسارة وألف خسارة!
-بس دي كانت غلطتي الوحيدة في يوم كان كله تضحيات عشان سواد عيون أم الرجيم ده. انا حظي دايما كده. غيري ياكل زي ما ياكل ما يتخنش. وانا اتخن لو بصيت على الاكل بصة.
-...........
-مالك يا دكتورة ساكتة ليه؟
-لا ابدا. بس افتكرت حاجة مهمة جدا
-حاجة إيه؟
-افتكرت اني طول عمري كنت باحلم اسرح بمناديل في الإشارات. وقررت دلوقتي حالا اقفل العيادة واحقق الحلم ده. اتفضلي من هنا لو سمحتي وخدي الباب في ايدك.
-ما نا مش قادرة اصدق الكلام ده! يعني..يعني امبارح مثلا. اتغديتي ايه بالضبط؟
-امبارح؟ ثانية واحدة على ما افتكر.
-يا منجي من المهالك يا رب
- آه افتكرت. امبارح مكانش ليا اي نفس للغدا. اتغديت خفيف جدا. يعني كام محشياية كده على الواقف وانا باسخن الاكل. وبعدين..
-كام محشياية؟!
-ورق عنب يا دكتورة ورق عنب. انتي فهمتي ايه؟ تكونيش افتكرتي محشي فلفل ولا حاجة؟
-اه تخيلي بقه. افتكرت قصدك كام محشياية فلفل. قولي ورق عنب من الاول يا شيخة.
-لا طبعا يا دكتورة انا عامله ريجيم وقارية وفاهمه. الفلفل بيشيل رز اكتر بكتير من ورق العنب عشان كده لا يمكن اعمله ابدا. حارمه جوزي وولادي منه. المهم سبع تمن تسع محشيات كده على ما سخنت الاكل. واظن ده طبعا مش محسوب.
-مش محسوب ازاي حضرتك؟
-باقوللك على الواقف. وانا باسخن الأكل. يعني لسه ما ابتدش اكل.
-اه. تصدقي كنت هاظلمك تاني؟ كنت فاكراه على القاعد.
-لا طبعا انا قارية وفاهمة. المهم.
-اتفضلي حضرتك. خشي على المهم.
-اكلت معلقتين صينية البطاطس اللي بايتين من امبارح وعليهم شوية رز. اكل بايت اهو يا دكتورة. عشان تعرفي ان الاكل اخر همي.
-يا حرام. والاكل البايت بيتحسب بقه ولا حكمه زي حكم الاكل على الواقف؟
-انتي بتسأليني يا دكتورة؟ امال انا جايالك ليه؟ المهم. اكملك.
--انتي لسه هتكملي. اتغديتي حضرتك محشي وصينية بطاطس ورز. في ايه تاني؟
-ابدا. الحلو بس. حتة بسبوسة يتيمة عليها معلقتين تلاتة قشطة. وبلعت بكباية كركديه. رافعة حواجبك ليه كده بقه يا دكتورة؟ الكركدية موصوف للضغط. بيقولوكو كده في كلية الطب برده ولا لأ؟
-بيقولولنا طبعا. معقولة يخبوا علينا.
-ومن ساعتها لغاية ما نمت مافيش. اديتها زبادي معدوم على ورق كرتون على أكل أرانب على فاكهة. عندك اعتراض على الفاكهة بقه؟
-فشر! قطع لسان اللي يقول نص كلمة على الفاكهة!
-انا طبعا ما جبتش سيرة بقية سندوتشات المدرسة اللي لقيتها في شنط العيال. لانها..
-مفهوم مفهوم مش محسوبة طبعا.
-اكيد. وبعدين دي كانت هتترمي. معقول كنت ارمي نعمة ربنا في الزبالة؟ ده حتى يبقه حرام!
-حاش لله!! استغفري ربنا كده واخزي الشيطان
-المهم.
-لسه في مهم؟
-ايوة. اصل انا عايزة اعترفلك يا دكتورة اني قبل ما انام غلطت غلطة بوظت الريجيم اللي حافظت عليه طول اليوم.
-يا خسارة! ما تزعلينيش!
-للأسف ده اللي حصل. كنت عايزة اهدي اعصابي من دوشة العيال عشان اعرف انام. فعملت لنفسي مج شوكولاتة باللبن مع اني عارفه انه غلط. انا ندمت اوي بعديها يا دكتورة ومش عارفة كان لزمته ايه.
-صحيح. خسارة وألف خسارة!
-بس دي كانت غلطتي الوحيدة في يوم كان كله تضحيات عشان سواد عيون أم الرجيم ده. انا حظي دايما كده. غيري ياكل زي ما ياكل ما يتخنش. وانا اتخن لو بصيت على الاكل بصة.
-...........
-مالك يا دكتورة ساكتة ليه؟
-لا ابدا. بس افتكرت حاجة مهمة جدا
-حاجة إيه؟
-افتكرت اني طول عمري كنت باحلم اسرح بمناديل في الإشارات. وقررت دلوقتي حالا اقفل العيادة واحقق الحلم ده. اتفضلي من هنا لو سمحتي وخدي الباب في ايدك.
هههههههههههههههههههههه، بصراحة أسلوبك رائع ودمه خفيف في سرد الحوار. "عشان سواد عيون أم الرجيم ده" جامده الحته دي والأجمد نهاية المقال "افتكرت اني طول عمري كنت باحلم اسرح بمناديل في الإشارات...."، وبعد كده يقولوا هما ستات بره أحسن منا في ايه، حاجة تشل!!! أحسنت أستاذه نوارن، تعليق جاي متأخر جدًا لكن معلشي.
ReplyDelete